«Sayat Zholshy & Partners» адвокаттары мен заңгерлері жаңадан құрылған Мамандандырылған ауданаралық әкімшілік сотында сот жобасын сәтті аяқтады.

2021 жылғы 1 шілдеден бастап Қазақстанда 2020 жылғы 29 маусымдағы №350-VI Қазақстан Республикасының жаңа Әкімшілік рәсімдік-процестік кодексі (бұдан әрі – «ӘРПК» ) қолданысқа енгізілді. Осы күннен бастап жаңа мамандандырылған ауданаралық әкімшілік соттар жұмыс істей бастады, олар мемлекеттік органдардың, лауазымды тұлғалардың жария-құқықтық қатынастарда қабылданатын (жүзеге асырылатын) шешімдеріне, әрекеттеріне (әрекетсіздігіне) шағымдану бойынша істерді қарауды бастады.

Жоғарыда аталған  соттардың жұмысы басталған  екінші күні, атап айтқанда, 2021 жылғы 2 шілдеде біздің «Дауларды шешу» жөніндегі командамыз Клиенттің мүддесінде кеден органының ауыртпалық салатын  әкімшілік актісін даулау туралы әкімшілік талаппен Алматы қаласының Мамандандырылған ауданаралық әкімшілік сотына жүгінді.

Жоғарыда аталған қуыным-талапты   біз жаңа ӘРПК  талаптарына сәйкес әзірлеп, жаңа әкімшілік сотқа бердік.

2021 жылғы 27 қыркүйекте сот жоғарыда көрсетілген әкімшілік істі ӘРПК  көзделген жаңа қағидалар бойынша қарады және шешім шығарды, оған сәйкес біз берген талап-арызды толық көлемде қанағаттандырды және кеден органының ауыртпалық салатын әкімшілік актісін заңсыз деп таныды және оның күшін жойды.

Бұл істе клиенттің мүддесінде  «Дауларды шешу»  практикасының жетекшісі, «Sayat Zholshy & Partners» АК аға әріптесі Виталий Водолазкин өкілдік етті.

 «Sayat Zholshy & Partners»  АК аға әріптесі Виталий Водолазкин: «Біз осы жаңалықпен бәріңізбен қуана бөлісеміз, өйткені бұл біз үшін жаңа тәжірибе. ӘРПК ұзақ уақыт қабылданды, бірақ жақында қолданыла бастады. Оны қолданысқа енгізгенге дейін  бізде оны егжей-тегжейлі зерделеп, танысу үшін жеткілікті уақыт болды. Біз жаңа әкімшілік әділет органдарының жұмысын тәжірибеде сынап көру мүмкіндігін тағатсыздана күттік. Біз бұл кодексті  жаңа құрылған әкімшілік соттар жұмысының басталуының екінші күніне, жаңа ӘРПК  талаптарына сәйкес, біздің Клиенттің мүддесінде  Алматы қаласының Мамандандырылған ауданаралық әкімшілік сотына кеден органына әкімшілік талап-арызбен жүгіне отырып, сыннан өткіздік. Сот осындай қуыным талабын қабылдап,  біздің Клиенттің пайдасына шешім шығарды. Әкімшілік істі бірінші сатыдағы сотта қарау 3 айға жуық уақытты алды, бұл экономикалық соттардың бұрын осындай істерді қарауға жұмсаған уақытымен салыстырмалы. Дәлелдемелерді жинау және зерттеу мәселелерінде жаңадан құрылған әкімшілік соттың жеткілікті мұқияттылығына назар аударғым келеді, біз бұрын мұндайды  экономикалық соттарда байқамаған едік. Бұл әрине қуантады. Мұндай дәстүр бұдан әрі де жалғасады деп үміттенеміз. Ал  біз апелляцияға дайындалып жатырмыз.»

«Sayat Zholshy & Partners»  адвокаттық кеңсесі 20 жылдан астам  уақыттан бері мемлекеттік органдармен дауларды (салық, кеден, монополияға қарсы және өзге де даулар) жүргізуге маманданып келеді. Біздің «Дауларды шешу» бойынша тәжірибеміз бірнеше рет түрлі марапаттар мен рейтингтерге ие болды.