SZP аға әріптесі Айдын Бикебаев жыл сайынғы «Astana Finance Days 2022» конференциясына қатысты

2022 жылғы 27-29 маусымда «Астана» халықаралық қаржы орталығы орнықты даму, әлеуметтік жауапкершілік және өсу мәселелеріне арналған «Astana Finance Days» V конференциясын өткізді.

Astana Finance Days – өңірдегі қаржы саласындағы ең ірі конференциялардың бірі. Соңғы төрт жыл ішінде конференция 100-ден астам елден 15000-нан астам қатысушыны тартты.

2022 жылғы 28 маусымда SZP аға  әріптесі Айдын Бикебаев «Кәсіпкерлердің құқықтарын қорғаудың өзекті мәселелері» сессиясының спикері ретінде сөз сөйледі. Сессияның модераторы Қазақстан Республикасы Президенті жанындағы Адам құқығы  жөніндегі комиссияның төрағасы Игорь Рогов болды.

Әлемнің экономикалық дамыған елдерінің көпшілігінде бизнес халықтың едәуір бөлігі жұмыс істейтін, олардың экономикасының негізін құрайтынын ескере отырып, кәсіпкерлікті қорғау елдің күн тәртібіндегі негізгі басымдықтардың бірі болып қала береді.

Панельдік сессияның мақсаты кәсіпкерлердің құқықтарын қорғаудың құқықтық тетіктерін, бизнесті мемлекеттік қолдаудың көрсетілетін және жоспарланып отырған шараларын талқылау, Қазақстанның экономикалық дамуының жаңа кезеңінде әкімшілік тосқауылдарды  азайту болып табылады.