Техникалық реттеу және сертификаттау

«Саят Жолшы және Әріптестер»  өнімді, қызметтерді, процестерді өткізуді және өндіруді техникалық реттеуді және сертификаттауды жеке  мамандандыруға бөлген Қазақстандағы алғашқы  компания. Біз ірі және орта өндірістік компаниялар өнімдерінің ұлттық және халықаралық стандарттарға сәйкестігін растау бойынша 10-ға жуық жобаны сүйемелдедік.

Кеңес алуға өтініш қалдырыңыз

Техникалық реттеу және сертификаттау

Қазақстан Республикасында өнімнің, көрсетілетін қызметтердің және процестердің қауіпсіздігін қамтамасыз етуге бағытталған техникалық реттеудің мемлекеттік жүйесінің құқықтық негіздері ҚР 2004 жылғы 09 қарашадағы № 603-II «Техникалық реттеу туралы» Заңымен белгіленеді.

Бұл заң өнімге, көрсетілетін қызметке, өнімнің өмірлік циклінің процестеріне қойылатын міндетті және ерікті талаптарды айқындау, белгілеу, қолдану және орындау, сәйкестікті растау, аккредиттеу және техникалық реттеу саласындағы мемлекеттік бақылау бойынша  қоғамдық қатынастарды реттеуге арналған.

Қазіргі заманғы жағдайларда (шындығында) Қазақстанның ішкі заңнамасында, сондай-ақ халықаралық стандарттарда белгіленген техникалық кедергілерді еңсермей өнімді өндіріске шығару  және оны нарыққа айналысқа шығару мүмкін емес.

 Өнім, көрсетілетін қызмет, процестер техникалық реттеу объектілері болып табылады.

Мемлекеттік органдар, сондай-ақ Қазақстан Республикасының аумағында қызметін жүзеге асыратын және техникалық реттеу объектілеріне қатысты Қазақстан Республикасының азаматтық заңнамасына сәйкес пайдалану құқығын иеленетін жеке және заңды тұлғалар техникалық реттеу субъектілері болып табылады.

Қазақстан Республикасындағы мемлекеттік техникалық реттеу жүйесі заңнамалық және нормативтік құжаттардың ашық екі деңгейлі жүйесін құру міндетін шешуге арналған, оның жоғарғы сатысы – техникалық регламент, төменгі сатысы – халықаралық талаптармен және нормалармен үйлестірілген, өндірушіге техникалық регламенттердің талаптарын дұрыс түсінуге және орындауға көмектесетін ерікті стандарттар.

Стандарттар туралы ақпаратқа адамдардың ауқымды  тобының қол жеткізуі отандық кәсіпорындардың бәсекеге қабілеттілігін нығайтуға, қазақстандық өнімдер мен көрсетілетін қызметтерді сыртқы нарықтарға ілгерілетуге ықпал етеді. Өндірісте стандарттарды қолдану өнімдер мен көрсетілетін қызметтер сапасының қазіргі заманғы техникалық талаптар мен қауіпсіздік нормаларына сәйкестігін қамтамасыз етуге мүмкіндік береді.

Біздің экономиканың алуан түрлі салаларындағы (мұнай және газ, энергетика, тамақ өнімдері, телекоммуникация және байланыс, ауыл шаруашылығы) өнеркәсіптік және өндірістік компанияларға олардың өнімдерінің техникалық регламенттер мен халықаралық стандарттардың талаптарына сәйкестігі мәселелері бойынша кеңес берудегі мол  және озық тәжірибеміз олардың өнімдерінің соңғы жылдары Компанияның барлық тиісті тәжірибесі  жиналатын жеке мамандандыруды құру қажеттілігінің пісіп жетілгенін көрсетеді. Бұл клиенттің өнімдер өндірісін жетілдіруі және өндірілетін өнімдер мен қызметтердің сапасының  үнемі жақсаруы үшін жасалады.

Тәжірибе көрсетіп отырғандай, Қазақстан Республикасының қабылданатын нормативтік-құқықтық құжаттарына, Кеден одағының техникалық регламенттеріне қатысты ЕАЭО нарығындағы қандай да бір өнімнің, көрсетілетін қызметтердің айналымын реттеу мәселелері бойынша бизнес өкілдерінің білім деңгейін арттыру қажет.  

Біз қолданыстағы нормалар мен рәсімдерді нақты түсінеміз және түсінігіміз бар, бұл бізге Қазақстанда өндірілетін және/немесе ЕАЭО нарықтарына айналысқа шығарылатын өнімдердің ұлттық стандарттардың, Кеден одағының техникалық регламенттерінің және халықаралық стандарттардың талаптарына сәйкестігін қамтамасыз етуге байланысты мәселелердің барлық спектрі бойынша кеңестер беруге мүмкіндік береді.


Қызмет түрлері / көмек

  • Өнімді өндіріске қосу және ЕАЭО нарығында өткізу үшін клиентке қажетті құжаттар тізбесін (сертификаттар/сәйкестік туралы декларациялар, ұйымдардың стандарттары және т.б.) айқындау мәселелері бойынша қорытындылар дайындау және клиенттерге кеңес беру
  • Клиенттерге олардың өнімдерінің Қазақстан мен Кеден одағының техникалық регламенттерінің талаптарына сәйкестігі мәселелері бойынша кеңес беру
  • Дайын өнімге техникалық реттеу саласындағы ҚР қолданыстағы заңнамасымен қойылатын талаптарға қатысты заңды қорытындыларды дайындау
  • Техникалық реттеу саласында алуға талап етілетін құжаттарды заңды ресімдеуге жәрдем көрсету (сертификаттар/сәйкестік туралы декларациялар, ұйымдардың стандарттарын қабылдау)
  • Өнімдерді алу (ресімдеу) және бекіту тәртібін түсіндіре отырып, өнімдерді өндіруге және ЕАЭО нарығында өткізуге шығару үшін қажетті құжаттарды алу процесін сүйемелдеу
  • Клиенттерге белгілі бір өнімнің техникалық регламенттердің талаптарына сәйкестігін міндетті немесе ерікті растау қажеттілігіне қатысты кеңес беру
  • Техникалық регламенттердің белгіленген талаптарына сәйкес өнімдерді, қызметтерді, процестерді міндетті немесе ерікті сертификаттауды заңды сүйемелдеу
  • Техникалық реттеу туралы заңнама талаптарына сүйене отырып, Қазақстан Республикасында әртүрлі өнімдерді өндіріске шығарудың толық циклін сипаттау мәселелері бойынша клиенттерге кеңес беру
  • Сатылатын өнім техникалық регламенттердің талаптарына сәйкес келмеген жағдайда ықтимал санкциялар мәселесі бойынша кеңес беру
  • Өнімнің тұтынушылық қаптамасына енгізілетін ақпараттың құрамына, сондай-ақ өнімді таңбалау тәртібіне техникалық регламенттерде белгіленген талаптарға қатысты кеңес беру
  • Техникалық реттеу саласындағы мемлекеттік бақылау органдарының нұсқамалары мен басқа да құжаттарына, оның ішінде сот тәртібімен шағымдану
  • Клиенттің қызметкерлерінің және басқа да мүдделі тұлғалардың экономиканың түрлі салаларында қабылданатын Қазақстан Республикасының нормативтік-құқықтық құжаттарына, Кеден одағының техникалық регламенттеріне қатысты ЕАЭО нарығындағы қандай да бір өнімнің, қызметтердің айналымын техникалық реттеу мәселелері бойынша білім деңгейін арттыру

Тәжірибе

Біздің компания өнімдерді, процестер мен қызметтерді техникалық реттеу саласында туындайтын түрлі мәселелер бойынша клиенттерге кеңес беру және сүйемелдеу саласында айтарлықтай тәжірибе жинақтады. Міне, осы мамандандыру аясында жүзеге асырылған соңғы жобалардың кейбірі:

  • Қашаған кен орнын  пайдалануды жүзеге асыратын  ірі халықаралық бірлескен операциялық компанияның қызметіне  Қазақстан Республикасының техникалық реттеу саласындағы қолданыстағы заңнамасында дайын өнімге қойылатын талаптарды талдау тұрғысынан толық заң сараптамасын жүргізу, және  оларды  алу (ресімдеу) және бекіту тәртібін түсіндіре отырып,  техникалық реттеу саласында алуға (ресімдеуге) қажетті құжаттар тізбесін анықтау (өнімнің техникалық реттеу туралы заңнаманың талаптарына сәйкестігін растау туралы құжаттар, ұйымдардың стандарттары, өнімге арналған техникалық шарттар және т. б.)
  • Парфюмерлік-косметикалық өнімнің техникалық регламенттердің талаптарына сәйкестігін растау қажеттілігіне қатысты нарықта тері күтімі құралдарын шығаратын ірі неміс компаниясына кеңес беру
  • Ірі қазақстандық компанияның көмірсутегі шикізатын және оны қайта өңдеу өнімдерін қайта өңдеу бойынша алдағы қызметіне Қазақстан Республикасының Техникалық реттеу туралы заңнамасында талап етілетін барлық құжаттардың тізбесін (сәйкестік сертификаттары, ұйымдардың стандарттары, химиялық өнімді тіркеу) анықтау тұрғысынан оларды алу тәртібін, мерзімдері мен шарттарын түсіндіре отырып, толық сараптама жүргізу
  • Техникалық реттеу саласындағы заңнама тұрғысынан Қазақстанның ірі сыра қайнату компанияларының біріне сыраны өндірумен, сақтаумен және көтерме саудада өткізумен байланысты тәуекелдерді айқындау тұрғысынан заңды сараптама жүргізу
  • Дайын өнімге техникалық реттеу саласындағы Қазақстан Республикасының қолданыстағы заңнамасында қойылатын талаптарды талдау және техникалық реттеу саласында алуға (ресімдеуге) қажетті құжаттардың тізбесін (өнімнің техникалық регламенттер талаптарына сәйкестігін растау туралы құжаттар, ұйымдар стандарттары) айқындау мақсатында құрылыс материалдарын сатуды жүзеге асыратын ірі қазақстандық өндірістік-сауда компаниясының алдағы қызметіне оларды алу (ресімдеу) және бекіту тәртібін түсіндіре отырып, толық сараптама жүргізу
  • Темекі және темекі емес өнімдерді өндірумен және сатумен айналысатын халықаралық компанияға кеңес беру және бірқатар заңды қорытындыларды дайындау
  • Сүт өнімдерінің ірі өндірушісіне техникалық регламенттердің талаптарына сәйкес келмейтін клиенттің өнімін алу және қайтарып алу мүмкіндігі туралы мәселе бойынша кеңес беру