Монополияға қарсы (Бәсекелестік) құқық

Монополияға қарсы құқық мәселелері бойынша кеңес  беру 

• монополияға қарсы заңнаманы сақтауға қатысты түрлі салалардағы (темекі өнімдерін өндіруші, ұялы байланыс қызметтері, электр энергетикасы, фармацевтика, денсаулық сақтау, жеке, кәсіби және өнеркәсіптік гигиена және т. б. үшін өнім өндіру) көшбасшылардың қызметін заңды сүйемелдеу

• әлемнің көптеген елдерінде бірінші қажеттіліктегі тауарлардың нарығында үстем жағдайға ие жаһандық компанияның дистрибьюторларына жеңілдіктер қолдану бағдарламасы бойынша құқықтық қорытынды дайындау және кеңес беру. Сараптаманың мақсаты: монополияға қарсы орган тарапынан бәсекелестікті шектеу бойынша айыптаулардың тәуекелін болдырмау

• бәсекелесімен 4G / LTE желісін бірлесіп пайдалану туралы келісім жасау кезінде ірі ұялы байланыс операторына кеңес беру (келіссөздерге қатысу, мәміле бойынша құжаттардың жобалары, монополияға қарсы негіздемені дайындау және Кәсіпкерлік кодекстің 171-бабының тәртібімен монополияға қарсы органмен келісу)

• ірі телекоммуникациялық компанияға оны үстем жағдайға ие Субъектілер тізіліміне енгізуге қатысты кеңес беру

• монополияға қарсы орган үстем жағдайды теріс пайдалану ретінде саралауы мүмкін жеткізу шартын жасауға мәжбүрлеуге және оны жасаудан бас тартуға байланысты тәуекелдерге қатысты мәселелерге қатысты сүт өнімдерін ірі өндірушілердің біріне кеңес беру

• бірқатар халықаралық заң фирмаларына олардың клиенттерінің Қазақстандағы дистрибьюторлармен және бөлшек сатушылармен жасалған мәмілелерінің, сондай-ақ Қазақстаннан тыс жерлерде жасалатын, бірақ Қазақстанда бәсекелестікті шектеуге әкеп соғатын мәмілелердің шарттарының ҚР монополияға қарсы заңнамасына сәйкестігі мәселелері бойынша кеңестер беру

• Қазақстандағы цемент зауытының иегер -компаниясына тауарларды дистрибуциялау және баға белгілеу жүйесін енгізу жоспарланып отырған ҚР монополияға қарсы заңнамасына сәйкестігі тұрғысынан кеңес беру. Монополияға қарсы органға нарықтың басқа субъектілері тарапынан жосықсыз бәсекелестік фактілері туралы өтініштерді дайындау

•  ҚР БҚА ұсынған ұялы байланыс операторы белгілеген теңгерімнің шекті сомасы төмендеген кезде есеп айырысудың аванстық және кредиттік жүйелерінің абоненттеріне халықаралық роумингті ажырату нәтижесінде тұтынушылардың заңды құқықтарына қысым жасауда көрініс тапқан үстем жағдайды теріс пайдаланды деген айыптардың қолданыстағы заңнамаға сәйкестігі бойынша құқықтық қорытынды дайындау. Ықтимал айыппұлдар сомасы: 11 595 829 445 теңге

• Атырау облысында, Нұр-Сұлтан  қаласында активтерді сатып алу және басқа заңды тұлғаларға қатысу мәселелері бойынша табиғи монополияның ірі субъектілері мен үстем жағдайға ие субъектілердің қызметін заңды сүйемелдеу

• Қазақстанның бірқатар облыстарында цемент өндіру және сату бойынша тауар нарығында үстем жағдайға ие компания үшін монополияға қарсы заңнама талаптарын сақтау мақсатында «Баға саясаты туралы ережені» дайындау

Экономикалық шоғырлану

• екі ірі әлемдік мұнай сервистік компаниялардың бірігуі нәтижесінде экономикалық шоғырлануға қолдаухат дайындау және келісім алу. Нәтижесінде мұнай-газ саласына қызмет көрсету саласында көлемі бойынша екінші компания құрылды

• сүт өнімдерін өндіру бойынша екі әлемдік жетекші компаниялардың жаһандық бірігуі нәтижесінде экономикалық шоғырлануға қолдаухат дайындау және келісім алу

• мұнай компанияларының бірінің 100% акциясын сатып алу бойынша мәміле жасау нәтижесінде экономикалық шоғырлануға қолдаухат дайындау

• Қазақстан Республикасының жетекші көлік компаниясын сатып алу бойынша мәміле жасау нәтижесінде экономикалық шоғырлануға қолдаухат дайындау және келісім алу

• көтергіш-көлік жабдықтарын әлемдік жетекші өндірушілердің бірінің дилерлік желісінің бизнесін сатып алуға байланысты монополияға қарсы органның өтінішін дайындау және келісімін алу. Клиент: жетекші халықаралық заң компаниясы

• Үлкен төрттік (Big 4) компанияларының бірінің иелену құрылымындағы өзгерістерге байланысты монополияға қарсы органның өтінішін дайындау және келісімін алу. Клиент: Magic Circle құрамына кіретін жетекші халықаралық заң фирмасы

• фармацевтикалық өнімді әлемдік жетекші өндірушілердің бірінің акцияларын сатып алуға байланысты монополияға қарсы органның өтінішін дайындау және келісімін алу. Клиент: жетекші халықаралық заң компаниясы

• Ресей парфюмерлік-косметикалық компаниясының акцияларын сатып алуға байланысты монополияға қарсы органның өтінішін дайындау және келісімін алу. Клиент: азық-түлік өнімдері мен тұрмыстық химия тауарлары нарығындағы әлемдік көшбасшылардың бірі

• Қазақстан Республикасында ауқымы бойынша елеулі  теміржол вагондары паркін иеленетін ірі қазақстандық көлік холдингінің жалғыз қатысушысы болып табылатын шетелдік компанияның акцияларын сатып алуға жасалатын мәмілеге монополияға қарсы органның өтінішін дайындау және келісімін алу

• металлургия зауытын иеленетін ірі қазақстандық компанияның жарғылық капиталындағы 100% қатысу үлесін сатып алуға жасалатын мәмілеге монополияға қарсы органның өтінішін дайындау және келісімін алу. Клиент: ірі сингапурлық холдинг

Құқық қолдану тәжірибесі

• картельдік келісімде  айыптау бойынша монополияға қарсы органның келісу комиссиясында (тергеу объектісінің өкілі ретінде) ірі тау-кен металлургия компаниясының құқықтары мен мүдделерінде  өкілдік ету

• мұнай өнімдерін көтерме және бөлшек саудада өткізу бойынша отандық ірі компанияның өтініші бойынша монополияға қарсы органның келісу комиссиясына (тәуелсіз сарапшы ретінде) қатысу

• монополияға қарсы органның бәсекелестікке қарсы келісім жасады деген айыптарын даулау бойынша алкогольсіз сусындардың ірі өндірушілерінің бірінің құқықтары мен мүдделерінде өкілдік ету. Нәтижесінде клиент 51 млн АҚШ долларынан астам айыппұл түріндегі шығындардан құтыла алды

• Қазақстан Республикасының монополияға қарсы органымен дауды шешудің сотқа дейінгі тәртібінде азық-түлік өнімдерінің ірі өндірушісінің мүдделерінде өкілдік ету

• монополияға қарсы заңнаманы бұзушылықтарды жою және 23 млн АҚШ долларынан астам сомаға бюджетке монополиялық кірісті аудару туралы бірқатар ұйғарымдардың сот тәртібімен күшін жою

• монополияға қарсы органның бәсекелестікке қарсы келісімдер мен үстем жағдайды теріс пайдаланушылық жасады деген айыптарын даулау бойынша бірінші сатыдағы сотта ірі энергетикалық компанияның құқықтары мен мүдделерінде өкілдік ету, соның нәтижесінде жалпы сомасы 20 млн АҚШ долларынан астам айыппұл есептеу бойынша  іс-әрекеттер заңсыз деп танылды

• бәсекелестікке қарсы келісілген іс-әрекеттерді жасау мәніне тергеп-тексеру қорытындыларын тоқтату бойынша дүние жүзіндегі  ең ірі сүт өнімдерін өндіруші еншілес компанияның құқықтары мен мүдделеріне өкілдік ету. «Саят Жолшы және Әріптестер»  заңгерлері жоба барысында монополияға қарсы заңнамаға сәйкес заңды дәлелдерді қолданып қана қоймай, сонымен қатар монополияға қарсы органмен байланысқа, қажетті деректерді дайындау мен ресімдеуге қатысты клиенттің бейінді департаменттерінің жұмысын құрды

• негізінде бәсекелестікке қарсы келісілген іс-әрекеттер жасады деген айып тағылған мәліметтерді монополияға қарсы органның алдын ала қарауының қорытындыларын даулау бойынша отандық ірі өсімдік майын өндірушілердің бірінің құқықтары мен мүдделеріне өкілдік ету

• монополияға қарсы органның үстем жағдайды теріс пайдаланғаны және монополиялық кіріс ретінде шамамен 70 млн АҚШ доллары мөлшеріндегі соманы айқындау бойынша әрекеттерді заңсыз деп танығаны үшін айыптауларды даулау бойынша отандық ЖЖМ нарығы көшбасшыларының бірінің құқықтары мен мүдделерінде өкілдік ету

• монополияға қарсы орган тарапынан үстем жағдайды теріс пайдаланғаны және елдің кейбір өңірлерінде ЖЖМ бағасының өсуі нәтижесінде келісілген іс-әрекеттер жасағаны үшін айыптау мәселесі бойынша АЖҚС желісін иеленетін үстем компанияға кеңес  беру (кезекті). Клиент: ҚР көптеген облыстарында ЖЖМ бөлшек сату нарығында үстем жағдайға ие компания

• клиентті тиісті нарықта үстем жағдайға ие субъектілер тізіміне заңсыз енгізу бойынша монополияға қарсы органдардың іс-әрекеттеріне шағымдану

• ҚР бірнеше облыстарының тауар шекаралары шегінде үстем жағдайға ие субъектілерді Мемлекеттік тізілімнен алып тастау бойынша сотта тамақ өнімдерін өндіру зауыттарының меншік иесі болып табылатын ірі отандық компаниялардың бірінің құқықтары мен мүдделерінде өкілдік ету

• тарифтерді қолдану мәселесі бойынша республикалық тіркелімге енгізілген табиғи монополия субъектісімен дауда ірі қазақстандық өндірістік компанияның мүдделерінде өкілдік ету

• ҚР көптеген облыстарында ЖЖМ бөлшек сату нарығында басымдылыққа  ие компанияның ЖЖМ бөлшек сату бойынша тауар нарығында үстем жағдайды теріс пайдаланды деген айып бойынша монополияға қарсы тергеп-тексеру қорытындыларын бірінші сатыдағы сотта даулау. Ықтимал әкімшілік айыппұл сомасы— 1 171 474 167 теңге

• ҚР аумағында шайды көтерме жеткізу нарығында үстем жағдайға ие компанияның тік бәсекелестікке қарсы келісім жасады деген айып бойынша монополияға қарсы заңнаманы бұзу және монополияға қарсы тергеп-тексеру туралы мәліметтерді алдын ала қарау қорытындыларын әкімшілік тәртіппен даулау . Ықтимал  әкімшілік айыппұл сомасы — 18 156 178 теңге

• халықаралық мұнай-газ сервистік компанияларының төрелік дауына байланысты ҚР монополияға қарсы заңнамасының мәселелері бойынша Сингапур Республикасының Жоғарғы сотына сараптамалық қорытынды ұсыну. Клиент: Сингапурдың ең ірі заң компаниясы